AMAL. Al solito, D. Pietro-Paolo me l’ha fatta arraggia… cattivo!… cattivo!
P. PAOL. Ma si chella…
GIUL. Zitto, zitto, non incominciare…
BON. Ma si dice bene, chello ch’è stato è passato. (Vide addò è ghiuto l’astuccio).
P. PAOL. (Ma mo comme veco.)
AMAL. Gasparrò, date i guanti al signore. (a Bon.) Vide si te piacciono e si te vanno buone. (parla piano con Giul.)
GASP. (come rimbambito va da Bon.) Comandate?
BON. Ch’aggio da cumanná… li guante.
GASP. Gnorsì… l’avimmo pigliate.
BON. E m’’e buò dà?
GASP. Ah! (cerca nelle tasche).
P. PAOL. (Mo che te dà li guante, fattille cadè nterra, e co la scusa de li piglià…)
BON. (Se, se bravo…) Guè, tu li cacce?
GASP. Scusate… ma me pare…
BON. Che l’è perze?…
AMAL. Come, aje perdute i guanti?… Ma voi che testa avete?
GASP. Eccellenza… ma me pare che ve l’avite stipato vuje.
AMAL. Nossignore, li ho dato a voi mentre pagavo il mercante.
GASP. Ah!… gnorsi… ma… (cerca e nel roristare caccia il fazzoletto, un pezzo di pane, una pipa, una tabacchiera e una carta con mozziconi di sigari.)
P. PAOL. Ma che d’è magazzino di deposito.
BON. (vedendo i mozziconi). Eccoli quà so chiste?
GASP. Gnernò signò… chisto so muzzune.
BON. Quanto si puorco… e li tiene aunite co lo pane?
P. PAOL. Farrà marenna pane e muzzune.
AMAL. Ma come, di voi non possiamo servircene più per niente; accossi stonato ve site fatto?
GASP. Eccellenza scusate… mo vaco a vedè chi sà l’avesse lassate ncoppa a lo bancone: si no, non ve pigliate collera, v’accatto io n’auto pare.
BON. Non fa niente, mo che passammo me li piglio io, ma statte attento un’altra volta.
GASP. Gnorsì!… ma comme l’aggio perze?
