Paggena:'O Cantastorie.djvu/39

'A Wikisource.
Chesta paggena è stata leggiuta du' vote e mo è fernuta.
— 37 —


XXVII.



-Ah carogne! Tezzune, trariture!
E Gano po'?... — Chillo nun cumparesce!
.... i maganzesi salgon per le mure....
— Io Gano aggia verè quann''a fernesce!


— Ch'erano addeventate, criature,
'e francise, Zi-To'... — "Lo timor cresce,
quanno se vede scenner dalle ardure
auti mmulignanelle!... Il Turco accresce!...


— Poveri figlie!... Mmano 'e maganzise....!
— Secutate da 'e Turche.... E tutto chesto,
Pe Gano!... — Nu schiaffiere!... Ma addò sta?


— Ma 'o libbro dice si murette acciso?...

—... In questo s'ode il rimbombar funesto
d'una voce: — Curaggio!... Stammo ccà!...