Chesta paggena è stata leggiuta du' vote e mo è fernuta.
- — 38 —
- XXVIII.
—Overo, neh Zi-To'?... — Zitto! Mannaggia!
— Erano 'e palatine?.... Sì?... — Gnorsì!
Bravo!...(Ciccì, me sta passanno 'arraggia!)
— Ma tu comme sì chiòchiaro accussì!...
Perdevano 'e francise?! “Oh! mai non caggia
il valor della Francia! „ E vvire, vi'!
“Ad altre terre, o gente turca, viaggia,
io son Linardo!.... „ Mo' nc'è da sentì!
Se votta mmiezo su la gente fella....
Che sciabbulate, neh! Ma chi v''o ddice!
Comm''e mmosche carea la gente infida!
A Carlo lle passaie 'a tremmarella!
O Carlo Mano, or più tremar non lice,
e doppo il chianto convien che si rida!
