Chesta paggena è stata leggiuta du' vote e mo è fernuta.
- — 36 —
- XXVI.
Uh che nce fuie! Sentite! 'O sango a sciummo
scurreva per le terre del franzese;
s'abbruciavano 'e ccase, e mmiezo 'o fummo
s'avanzavano 'e truppe int''o paese!
Carlo pareva nu mbriaco 'e rummo
e implorava il Signore a braccia tese,
e nu turco, cu tanto nu sfranzummo
faceva stragge, e a terra ha già distese
tre cumpagnie d''e nuoste! Allora 'o riesto,
abbeluto, vattuto, appaurato,
avota 'e spalle, e se mette a fuì!
'E macanzise appriesso... Priesto! Priesto!
Vittoria.... E sulla porta è inarberato
il gran stannardo di Mametto-Alì!
