Paggena:'E Lluce-luce.djvu/89

'A Wikisource.
Chesta paggena è stata leggiuta.
87
Core e penziero


Viato a isso! E’ sulo. Ma scenne d’ ’a campagna
cu’ tridece perzune ch’isso se ll’accumpagna.

C’ ’o chiovere e c’ ’a luna. Cammina all’acqua e viento
comme si cammenasse sotto a ’na luna ’argiento.

E va capacitannose: «Qua’ luna, fratu bello!
’Sta luna, cu ’stu chiovere, comm’esce... senza ’mbrello?»

Ma nun s’arrepara, isso! Cammina sott’a ll’acqua
e s’arrepara ’a pippa c’ ’a mana ’nfosa e stracqua.