Chesta paggena è stata leggiuta.
88
Poesie
ZOPPA!
Ogge fa ’n’anno ca te canuscette:
sidece abbrile! Te ne si’ scurdata?
Scurava notte. Erano ’nfaccia ’e ssette;
tu ascive ’a dint’ ’a chiesia ’a Nunziata.
E pe’ vvia ca tenive ’e scarpe strette,
cammenave, che sa, tutta sciancata.
I’ mme fermaie, guardannote, e dicette:
«Zoppa cumm’è, l’aggia mannà ’a mmasciata.»
Ma tu nun ire zoppa. Ire surtanto
’nfama! E sacc’i’ sta nfamità che tiene
si m’è custata o no spaseme e chianto...
