Chesta paggena è stata leggiuta.
86
Poesie
«PATRONE E SSOTTO»
Quanno scarpesa ’a gatta, ca lle succede spisso,
lle dice: «Fatte ’e scarpe». Ma scarpe nun tene isso!
’Ncontra n’esequie, ’e faccia? Subbeto dice: «Vene
’sta morte ’a casa mia?» Ma casa nun ne tene!
Abbista a na figliola, bella, smargiassa, allera?
’O siente ’e fa: «Muglierema!» Ma nun tene mugliera.
Tene a nu cane. ’O cane chi mozzeca? ’O stracciato!
E ’o ddice! Ma cammina sempe c’ ’o cane allato.
’O siente ’e dì: «Faciteve tutte ’e cummedità!»
Ma ’a lira ca s’abbusca s’ ’a veve la pe lla.
