Ce sta! Santo? C'esiste.
'O saccio. Dice 'a messa dint' 'e Sacramentiste.
Tene trentacinch'anne, 'na sora 'mmaretata,
n'ata zetella, 'o pate viecchio, 'a mamma malata...
'Nu frato... vagabbondo... 'Nu malu chiappo 'e
'mpiso,
ca ne fa, quanno parla, scennere 'o Paraviso;
ca se venne ll'Uffiggio d' 'o frato; c'amminaccia:
«Tanto mme serve e 'o vvoglio...»
E zi' prevete caccia!
'A sora mmaretata tene 'o marito fora
e quatto piccerille: l'urdemo... zuca ancora!
E zi' prevete... caccia!
Miedece, mmedicine,
vestì, casa... E zi' prevete... caccia!
Tutte 'e mmatine
posa 'na diece lire... comme a n'ommo 'nzurato!
'A sora zetelluccia regala a 'o nnammurato
n'aniello?... 'na cruvatta?...
E zi' prevete... caccia!
Senza maie 'nu sfastidio... Sempre c' 'a stessa faccia
rassignata! E nun fuma, nun ghioca, nun se piglia
'na piccula, 'nu mezzo! Penza 'e figlie... 'a famiglia...
E nun è ppate! Comme nun è mmarito!
Paggena:'E Lluce-luce.djvu/47
Chesta paggena è stata leggiuta du' vote e mo è fernuta.
Core e penziero
