'O PREVETE
Saccio ’o prevete chiatto, ch’è curto, e chillo sicco,
ch’è lluongo. Saccio ’o prevete pezzente e chillo ricco.
Saccio ’o prevete ’e fora: russo ’e faccia, cafone;
chillo che ’mpresta, ’o prevete pazzo, ’o sciampa-
gnone.
Saccio ’o prevete allero, che rride ogni parola;
’o cabalista; ’o prevete che fa ’o maesto ’e scola.
’O prevete istruito, che ssape ’a lecca e ’a Mecca,
e magna a d’ ’o trattore: ’nu riso e ’na bistecca.
Saccio ’o prevete... verde, che magna... quanno
magna...
e che pare cchiù mmuorto d’ ’e muorte c’accum-
pagna.
Chillo che ffuma; chillo che gghioca; ’o bevitore,
e chillo ca... se scorda d’ ’a chiereca... e fà ammore...
Ma... ’nu prevete santo?...
