Chesta paggena è stata leggiuta du' vote e mo è fernuta.
46
Poesie
Santo?
Si se nne fanno ancora, gnorsì! Ca, doppo tanto,
dint' 'a messa 'a matina, raccumanna a 'o Signore,
cu' ll'Ostia 'nmano... mamma, nepute, pate, sore...
E primm' 'e tutte... 'o frato tristo! E cu ttanta fede...
ca sulamente tanno, quanno nisciuno 'o vede,
chiagne...
Ma cchiù 'e 'na vota ll'ha visto 'o sacrestano
'e chiagnere... cu' 'e mmane 'ncielo e cu' ll'Ostia 'nmano!
