Chesta paggena è stata leggiuta du' vote e mo è fernuta.
43
Core e penziero
E tutte corrono,
comm' 'e pparlasse,
'sti ggallenelle,
sbattenno 'e scelle,
quante nne sò!
Te guarde 'a vòccola
cu' 'e pullicine...
cu 'nu penziero...
c'a... comme crero,
sacci'io qual'è!...
E a vvranche ll'acene
vutte a 'e ggalline,
cu' 'nu dispietto...
Io... zitto! Aspetto,
vicino a te...
No... pe' te cogliere;
n'ave' appaura!...
T'aggio, si voglio;
ma nun te coglio...
Pozzo aspettà!...
Tu care pésola,
pronta... ammatura...
'ncopp' 'a 'stu core...
Comm' 'o calore
'nfoca 'e l'està!
