Chesta paggena è stata leggiuta du' vote e mo è fernuta.
98
Poesie
Addò vide ’na varca, ch’è fresca ’ncatramata,
cùrrece, zompa; assettate e risciata!
Trovate ’o marenare cchiù viecchio ’e ’sta marina,
c’ha tenuto ’na varca curallina;
c’ha girato p’ ’o munno; c’ha vista ’a morte ’e faccia...
e ca se l’ha scanzata a fforza ’e bbraccia.
E siéntelo. Ogne vvota pò di’ ’na cosa nova
ca cchiù de ll’aria ’ncatramata ggiova!
E nu’ penzà cchiù a niente! Ca si tuorne a fa ’ammore...
te piglie n’ata bobba e... manco muore!
