Paggena:'E Lluce-luce.djvu/101

'A Wikisource.
Chesta paggena è stata leggiuta.
99
Core e penziero


CANNARUTIZIA


Che t’aggia di’? So’ cose
ca nun ’e può capì, si nun ce trase!
Maggio è ’o mese d’ ’e rrose,
ma pe’ te... maggio è ’o mese d’ ’e ccerase.

Nun s’arriva a sentì: «’Nu soldo a’ schiocca»
chi se l’accatta? tu!
E tanto d’ ’o gulìo,
comme te miette ’na cerasa ’mmocca,
— Ah!... tu suspire, beneditto Dio!
Nun ne puteva cchiù!

’Ncopp’all’asteco, ’o ssaccio e m’hanno ditto,
tiene ’a vasenicola p’ ’o rraù,
tiene ’a rosamarina p’ ’o zuffritto,
ma maie ’na margarita a primmavera!