Paggena:'E Lluce-luce.djvu/99

'A Wikisource.
Chesta paggena è stata leggiuta du' vote e mo è fernuta.
97
Core e penziero


MO’ CA TE SI’ SANATA...


Mo’ ca te si’ sanata, vattenne a rriva ’e mare,
dint’a ’na casarella ’e marenare.

Cóccate ’ncopp’arena; curre p’ ’o sole; passe
pe’ mmiez’ ’e vvarche, ’e ffune, ’e rrezze, ’e nnasse...

Campa cu’ ’e marenare; parla cu’ ’e marenare.
Sempe cu’ ’e spalle a terra e ’a faccia o’ mare!

’Mpàrate tutt’ ’e vvuce d’ ’e piscature; siente
comme chiammano ’e stelle e comme ’e viente:

«Punente» - «Maistrale» - «Levantino» - «Scerocco»...
Tutte ’e nomme d’ ’e vvele: «’a ’ntenna» «’o sciocco»...