Canzone e Ariette nove/Canzone nove/Oi ma', quanno...
Oi ma’, quanno…
Oi ma’, quanno mme dice
c’a tiempo tuio filave,
facive ’a culatella,
4cusive, arrepezzave,
e a ll’ora d’’e galline
po’ te jve a cuccà —
che mme vuo’ da’ a rentennere?
8Va, va, nun mme fa rirere!
Va ’o cconta a n’ata
oi ma’!
Tanno!.. Ma tanno quanno?
12O tanno, o mo,
maje s’è cagnato ’o munno!
E chello ca faccio i’
ll’’e’ fatto pure tu,
16mamma,
a bint’anne!…..
Oi ma’, vide che luna,
che luna janca e ddoce!..
20Tu pienze ’o tiempo antico —
e i’ penzo ca na voce
«Méh, scinne!..» — a n’ato ppoco —
«Méh, scinne!..» — diciarrà….
24E che vurrisse? Spieghete…
Ca i’ nun avesse scennere?
Va ’o ccónta a n’ata,
oi ma’!
28Tanno… Ma tanno quanno?
O tanno, o mo,
maie s’è cagnato ’o munno…
E chello che faccio i’,
32ll’’e’ fatto pure tu,
gioia,
a bint’anne….
This page was moved from . It's edit history can be viewed at Chiàcchiera:Canzone e Ariette nove/Canzone nove/Oi ma', quanno...