Canzone e Ariette nove/Canzone nove/Aria d' 'o setteciento

by Salvatore Di Giacomo

 EPUB   MOBI   PDF   RTF   TXT

 

Aria d’ ’o setteciento.

Na mulinarella
     ca ’o ggrano sfrantuma,
     sfarina e cunzuma,
     4stu core purzi!
          E quanno io lle porto
               nu cuofeno chino,
               vicino a ’o mulino
               8lle dico accussì:
— Oi mulinarella,
     si ’è perzo ’o patrone,
     rummaso è ’o guarzone
     12ca more pe tte!
          Tu mo nun puo’ certo
               restà veduvella,
               si’ bbona, si’ bella,
               16ricordate ’e me!

E si nun mme cride,
     stu core ’o vvì ccanno!
     Tu ’o puo’, sfarenanno,
     20cu ll’acqua mpastà!
          E si nun te pare
               ca ll’acqua è cucente,
               sti llacreme ardente
               24ce pozzo mmiscà!
Oi, mulinarella,
     ca ’è perzo ’o patrone,
     ce sta stu guarzone
     28ca more pe tte!
     Che faie? Vuo’ pe forza
               resta veduvella?..
               Oi, mulinarella,
               32ricordate ’e me!

This page was moved from . It's edit history can be viewed at Chiàcchiera:Canzone e Ariette nove/Canzone nove/Aria d' 'o setteciento