Canzone e Ariette nove/Canzone nove/Bella, ca pe paura...
Bella, ca pe paura…
Bella, ca pe paura mm’’è lassato,
cchiù curaggiosa ’e me si’ ciento vote:
ciento vote stu stesso aggio penzato,
e ciento vote me ne so’ pentuto…
5E tu, femmena e bbona, mm’’è lassato!…
E mme ne so’ pentuto e addulurato,
ma cagnà, ntanto, nun me so’ saputo.
Ah, si me fosse meglio cumpurtato!…
Che carattere nfamo aggio tenuto!
10Ma me ne so’ pentuto e addulurato…
E pe sta furia mia t’aggio perduta!
E pe sta furia mia mm’ ’è abbandunato!
E sta sbentura mia ll’aggio vuluta!
E mo resto abbeluto e risarmato!
15E pe sta furia mia t’aggio perduta!...
E fenarraie ca te ne truove a n’ato,
simbè dice ca no, ma ’o munno avota...
Ma chi, chi puo’ truvà cchiù ndusiasmato,
e chi cchiù furiuso n’ata vota?!...
20Ah! Quanto e quanto e quanto t’aggio amato!
This page was moved from . It's edit history can be viewed at Chiàcchiera:Canzone e Ariette nove/Canzone nove/Bella, ca pe paura...