Canzone e Ariette nove/Canzone nove/M' punto 'e ccinche d' 'a matina...

'A Wikisource.
 EPUB   MOBI   PDF   RTF   TXT
 
[p. 3 càgna]

M’punto ’e ccinche d’’a matina


Mpunto ’e ccinche d’’a matina
     nn’’a sentite - ’a campanella
               d’’a cchiesiella
               ’e Donnalbina?
               5Fa — Ndin, ndon!…

Spanne ’o suono attuorno attuorno,
     e a chi dorme va dicenno:
     «Gué, scetateve, ca è ghiuorno!»
          9Ndòn, ndin, ndà!…

               Suono ’e campane!..
               Diceno ca tu faie
                    malincunia…
               Ma nun è overo!
               Pe chest’anema mia
                    tu si’ nu suono
                         16allero!

[p. 4 càgna]





M’punto ’e sseie passa ’o craparo.
     E ll’acàle ’o mateniero
               nu bicchiero
               int’’o panare…
               21Ndì, ndà, ndà!

Na campana scassatella -
     m’punto ’e sette - int’’o purtone,
     sona ncann’’a vaccarella…
          25Ndàn, ndàn, ndà!…

               Suono ’e campane!
               Diceno ca tu faie
                    malincunia…
               Ma nun è overo!
               Pe chest’anema mia
                    tu si’ nu suono
                         32allero!

[p. 5 càgna]


Sona, sona a Donnalbina,
     campanella — d’’a cchiesiella!
               Se mmarita
                    Carulina!
          37Ohe! Ndàn, mbòn!..

Parrucchià, si ’a benedice,
     benedice pure a me!
     Io mm’’a sposo! Io so’ felice!…
                    Ohe!
                         Ndàn!
                              43Ndàn!…

This page was moved from. It's edit history can be viewed at Chiàcchiera:Canzone e Ariette nove/Canzone nove/M' punto 'e ccinche d' 'a matina...