Paggena:Canzone e Ariette nove.djvu/16

'A Wikisource.
Jump to navigation Jump to search
Chesta paggena è stata leggiuta du' vote e mo è fernuta.
6 canzone nove




Bella, ca pe paura…



Bella, ca pe paura mm’’è lassato,
     cchiù curaggiosa ’e me si’ ciento vote:
     ciento vote stu stesso aggio penzato,
     e ciento vote me ne so’ pentuto…
     5E tu, femmena e bbona, mm’’è lassato!…

E mme ne so’ pentuto e addulurato,
     ma cagnà, ntanto, nun me so’ saputo.
     Ah, si me fosse meglio cumpurtato!…
     Che carattere nfamo aggio tenuto!
     10Ma me ne so’ pentuto e addulurato…