Canzone e Ariette nove/Ariette nove/Virgiliana

by Salvatore Di Giacomo

 EPUB   MOBI   PDF   RTF   TXT

 

Virgiliana. ⁠⁠
Dal francese antico.

Amice, ’a funtanella addo’ Ninetta
          se veneva a mmirà,
          guardate, è chesta ccà
          mmiez’ a ll’ erbetta.
E chella è ’a muntagnella addo’ saglieva
          cu mme quase abbracciata:
          addo’ ’a mana p’ ’a strata
          io lle strigneva.
Mo’ vutàteve ’a ccà: st’arbero ’e noce
          ’o vedite? Addereto
          a st’arbero annascosta
     quanno mm’ha fatto ’a posta,
          sapeva c’ ’a vedeva
          mentre s’annascunneva...
          .   .   .   .   .   .   .   .   .   .  

.    .    .    .    .    .    .    .    .    .    .    .    .    .    
Funtana, muntagnella, arbero ’e noce,
          chi ve po’ cchiù scurdà?
          Ve vengo a ringrazià!
          Ll’ammore è doce….

This page was moved from . It's edit history can be viewed at Chiàcchiera:Canzone e Ariette nove/Ariette nove/Virgiliana