Chesta paggena è stata leggiuta du' vote e mo è fernuta.
73
ariette nove
Virgiliana.
Dal francese antico.
Amice, ’a funtanella addo’ Ninetta
se veneva a mmirà,
guardate, è chesta ccà
mmiez’ a ll’ erbetta.
E chella è ’a muntagnella addo’ saglieva
cu mme quase abbracciata:
addo’ ’a mana p’ ’a strata
io lle strigneva.
Mo’ vutàteve ’a ccà: st’arbero ’e noce
’o vedite? Addereto
a st’arbero annascosta
quanno mm’ha fatto ’a posta,
sapeva c’ ’a vedeva
mentre s’annascunneva...
. . . . . . . . . .
