'E scugnizze - Gente 'e malavita/'O bello guaglione

'A Wikisource.
 EPUB   MOBI   PDF   RTF   TXT
 
[p. 79 càgna]

"’O BELLO GUAGLIONE"

— Mo’ vene Pasca!... Limungella fresca!
   Aggio penzato ca vogl’ i’ a fa’ Pasca
   a ddu Catarenella int’ ’a Ruchesca!
   Tras’ int’ ’o palazziello e faccio ’o fisco.

’A ronna ca nun pava, io n’ ’a capisco!
   L’ ommo fiura e ’a nnammurata allasca!
   Se sape! Embè, cher’ è, mo vene Pasca,
   e pozzo appiccia’ ’o ffuoco senza ll’ esca?

Llà quacche cosa pure me l’ abbusco:
   na fumatella int’ ’a na pippa lasca,
   ’o casatiello, ’o miezo litro nfrisco,
   na cinco—lira e... nu poco ’e ventresca!

[p. 81 càgna]

Catarenella, ’a n’ anno c’ ’a canosco,
   sempe e quanto songh’ io, m’ aiza ’a frasca!
   Embè, quanne so’ stato a San Francisco
   n’ aggio sempre sparato ’o meglio masco?

’O capo—guardiano ’on Peppe Fusco,
   chillu bell’ ommo cu ttanto na mosca,
   quanno passava, me faceva ’a rasca...
   Quant’era scemo, e quant’ ’o cumpiatisco!