Concetta
Nun ce sta, signò! Nun s’ ’è ritirato ancora...
(Silvia avanza una seggiola)
Donn'Erminia
(a Silvia)
No, figlia mia, ce ne jammo. Siamo invitate al festino dirimpetto... Ninì, apponteme stu guanto... Ninì! (Ninì si scosta dallo specchio e va a lei). E va bene! Sei spirituale! Sei seducente! Sei irresistibile! Stasera t’ ’o truove tu pure il tuo spernocchio!... Apponta, appo’!... (a Concetta) Signora mia, nuie avimmo fatto ’o nnuosto, e adesso ci tocca di tenere la candela... (quasi cantando e agitandosi tutta mentre Ninì le abbottona il guanto bianco) La candela, la can... Ah, Ninì! Tu mm’affierre ’a pella!
Ninì
E stateve ferma!... (finisce d’abbottonare il guanto).
Concetta
Signó’, beata a voi! State sempre allegra!
Donn'Erminia
Eh, signora mia, si nun ce ’a pigliammo a pazzia nuie schiattammo, sapete! Neh, a proposito, ve voglio fa rirere... Marì, damme chella cartuscella...
(Ninì va alla finestra e l'apre e guarda rimpetto)
