Paggena:Teatro - Salvatore di Giacomo.djvu/403

'A Wikisource.
Vai alla navigazione Vai alla ricerca
Chesta paggena è stata leggiuta du' vote e mo è fernuta.
397
atto secondo


Michele

Ma pecché... so’ turnato ccà?... (come tra se stesso, cercando sempre di levarsi) ’O duvere mio... (con la mano levata) Nun appena songo asciuto d’ ’e carcere... ’o duvere mio... Aveva correre addu mammema... (s’intenerisce, ha il pianot nella voce) Aveva correre... pe lle di’: Ma’! Oi ma’!... Io songo asciuto!... (s’intenerisce sempre più, si leva a mezzo, leva le braccia) Songo asciuto a llibertà!... Ma’!... Mamma mia bella!... (ricade a sedere, convulso).

Assunta

(spaventata)

Michè!...

Michele

Chi è stato?!... Parla! Si no te levo d’ ’o munno!... (guarda sulla tavola, vi scorge il coltello e lo afferra. Riesce a levarsi. È livido. Gira la tavola dal lato della porta per impedire a Assunta d’uscire) Parla!... Chi è stato?... ’O canosco?...

Assunta

(terrorizzata, può appena articolare)

Tu ’o saie...

Michele

(in un baleno si raccoglie, capisce)

’On... Federico?!...