Michele
(terribile, affisandola con uno sguardo di odio, con voce rotta e rauca)
Ma tu... mme vuo’ fa ì n’ata vota carcerato? (con orrore) Io nun ce voglio i’! Tu mme vuo’ fa assaggià n’ata vota ’o ppane niro, ’e ccancelle... ’a privazione d’a libertà!... (si esalta) Tu!? Tu, ca si’ ll’urdema femmena d’ ’o munno!... (poggia le mani sulla tavola e fa per levarsi. Assunta indietreggia) Sì!... Tu... (riesce a levarsi minaccioso) Tu si’ ll’urdema femmena d’ ’o munno!... (cerca di afferrarla. Ella sfugge).
Assunta
No! Nun m’accidere!...
Michele
Nu ’strellà... (si guarda attorno, balbetta, inciampica, ricade a sedere. Sconvolto, convulso) Che mm’ ’è miso... int’ ’o vino?
Assunta
Io?!...
Michele
Tu... mm’ ’è miso... ’o bbeleno... int’ ’o vino... Mm’avota ’a capa...
Assunta
Io?!...
