Paggena:Teatro - Salvatore di Giacomo.djvu/395

'A Wikisource.
Vai alla navigazione Vai alla ricerca
Chesta paggena è stata leggiuta du' vote e mo è fernuta.
389
atto secondo

Michele

Na sengulella... (lascia schiusa la vetrata; torna a lei premuroso) Ma che te siente?

Assunta

Niente... Mm’è passato... (sorride, accarezza Michele. Lo guarda) Viene ccà... Assèttete... (Michele siede) Mm’è passato... (Michele si mesce vino e beve) Nun bevere cchiù...

Michele

(sorridendo, scherzoso, affettuoso, più eccitato)

Mm’ ’è fatto squaglià ’o sango ’a cuollo...

(Una pausa. Sono seduti faccia a faccia. Michele scosta il lume, lo fa più in là verso la porta. Si guardano. Un silenzio).

Assunta

Siente... Si te dico... Si te dico na cosa... Tu ce cride?...

Michele

(mangiandosela con gli occhi e stendendo la mano di su la tavola)

E viene ccà... Assèttete vicino a me... Damme ’a mano...

Assunta

(macchinalmente stende la mano che Michele afferra)

Siente... Te voglio di’ na cosa...