Donna Rosa
Nunzià?... P'ammore 'e Dio! Diciteme 'a veritá!... Comme! Vito ha fatto stu voto?... Sufì, é overo?... Neh, Assú... diciteme 'a verità!... Ma é overo?... Uh! faccia mia! Faccia mia!... Addo' sta?... Vito?... Addo' stá?... (move verso la tintoria)
Nunziata
(trattenendola)
'Onna Ró, embé? Lassate 'o sta, mo! Cheste so cose ca po' s'acconciano. Mo 'assat’ 'o i'...
Sufia
Vuie 'o facite fenì 'e cadé malato!
Donna Rosa
(gridando)
Vuie che dicite? Ma vuie che dicite? Ma vuie avite ntiso chillo c'ha fatto?!... Comme! A na femmena malamente!... E sta faccia mia addo' 'a vaco a mettere?... Uh, mamma mia, e che ddelore ca mme steva astipato a notte a notte!... (si volta) Neh, 'onn'Amá?... Vuie che mme dicite?...
Amalia
(incamminandosi verso il vicolo a sinistra)
So' fatte ca nun mm'apparteneno. (Scompare nel vicolo)
