Chesta paggena è stata leggiuta du' vote e mo è fernuta.
28
'o voto
Donna Rosa
(spaventata)
C'ha fatto?.. Ma che mme vulite fa vení na cosa!..
(Le donne fanno segno ad Amalia che taccia)
Amalia
Ha fatto nu voto...
Donna Rosa
(c. s.)
Nu voto?... Comme?... E che voto?
Amalia
Stu figlio vuosto caro caro ha fatto 'o voto 'e se spusá na femmena malamente. Chesto ha fatto.
(Le volta le spalle)
Donna Rosa
(atterrita)
Chi?!... Vuie che dicite!... Ha fatto 'o voto... Uh, mamma mia! Uh, faccia mia!... Ah, nun é overo, nun é overo!...
Amalia
(freddamente)
Addimannate...
