Chesta paggena è stata leggiuta du' vote e mo è fernuta.
244
'o mese mariano
ssaie ca ccà stanno ’e figlie d’ ’e primme galantuommene!... (a Varriale) Eccomi qua... (s’alza e si avvia al fondo).
Carmela
(a Don Gennaro)
’O signore dice buono, ma sempe Serraglio è. Vuie comme ve ce truvate?
Don Gennaro
Mo te dico io: ’e primme mise, essenno ca mme mettetteno abbascio ’a purtinaria, l’ummeretà mme facette venì n’ata vota ’e dulure particulare...
Carmela
Neh?... E mo addò v’hanno miso?
Don Gennaro
Mo stongo ’a sigritaria: a stu stesso terzo piano.
Carmela
Ah, menu male, risciatate.
Don Gennaro
Risciato? Io, ’a matina, surtanto si mm’affaccio ’a fenesta e mm’appiccio na pippa, me recreio. Tèh! Viene vide che se vede ’a ccà ncoppa!
(La conduce alla finestra: la ragazza li segue e si affaccia anch'ella).
