Paggena:Teatro - Menotti Bianchi.djvu/519

'A Wikisource.
Chesta paggena è stata leggiuta.
— 497 —
Giuvannino


(Tremante d'ira). — Aggio visto! Aggio visto! Sa' che te dico? Pigliete 'a bacchetta; e vattenne!

Furtunato


Ma che colpa nce aggio io, princepà?

Giuvannino


Niente! Nun sento ragione! (Una pausa) A Muntevergine nun ce se va. Nu patrone 'e cetatine, comme a me, nun po ghi' a' festa cu nu cavallo 'e scarto (A 'onna Cuncetta). Mme dispiace pe te.

Cuncettina


Abbasta ca nun te piglie collera, nun fa niente. Ce iammo dimane, c''o baio... Tanto pe tanto, è buono ca ce stammo a' essa, ogge. Tenimmo 'e piccerillo malato.

Giuvannino


Aie ragione. (A Furtunato, con livore). Ma tu, tu, fore d''a casa mia!

Furtunato


Ma ragiunammo: si è stata na disgrazia...

Giuvannino


E che sto parlanno francese? Si te dico ca nun voglio ragiunà!