Chesta paggena è stata leggiuta.
'O cavallo?... (A Fortunato). Ch'è stato, 'o cavallo?
(Con poca voce). — Cose 'e ll'ato munno! Poco fa, so' asciuto nu mumento, p'accattà 'e ffettucce p''e nocche. Quanno so' turnato, aggio truvato 'o cavallo... cu na botta 'e curtiello 'int''a gamma deritta.
Severeddio! (Corre precipitosamente nella stalla).
Uh! (Quando il marito è uscito, disperatamente:) E mo chi 'o sente? chi 'o sente, a maritemo? E chi 'o po dà tuorto? Giesù! 'O murello! 'O meglio cavallo d''a stalla!
È stata na disgrazia, o nu dispietto ca mm'hanno fatto!
Nu dispietto?! E pecchè, stu dispietto?
(A 'on Giuvannino, che rientra). — Avite visto?
