Paggena:Teatro - Menotti Bianchi.djvu/506

'A Wikisource.
Chesta paggena è stata leggiuta.
— 484 —
Nannina


Ah! Mo ce simmo spiegate. Eppure, nun ll'avarria creduto, maie e po' maie. (Con evidente disgusto). 'O si' Furtunato fa 'o.:. Vuie che dicite?!

Cannetella


(Con angoscia). — Doppo tanta prumesse..... Doppo tanta giuramente... Capisce? Già: tutte accussì ll'uomene! Tutte accussì!

Nannina


Mme ricordo, comme si fosse mo ll'anno passato. Tutte 'e duie... È ovè? (Cannetella accenna di si) Isteve a Muntevergine, assieme... È ovè?

Cannetella


Vinta dalla suggestione dei ricordi, con fervore) — Sì. E ncoppa 'o Spitaletto... mme ricordo... fermaiemo 'a carruzzella... e scennetteme... e ntrezzaiemo dui rame 'e ginestre pe di' ca nun ce sarriemo spartute cchiù... (Le lacrime le strozzano la parola).

Nannina


E mena, mo! 'Ateve curaggio... Ve credite, 'n capo a vuie, ca durano assaie sti mpicchie? Chi sa qua' iuorno, quanno meno ve l'aspettate, isso turnarrà, e tutte 'e duie arrate a sciogliere 'e ginestre.