Chesta paggena è stata leggiuta.
Na vota, se cercava 'a lemmosena 'e nu soldo. Ma, mo? Chi v''o dà! Mo, s'è perzo 'o cuntegno. So' venute 'e guastamestiere, ca se ribassano a cercà 'a lemmosena 'e nu cientesemo!
(Con comica considerazione) Giesù! Giesù! E pecchè nun facite na sucietà? Mo fanno tutte quante accussì.
E chesto ce mancarria! Na sucietà 'e pezziente! Ve vulite piglià 'o poco 'e Pusilleco, Cannetè?
Io pazzeo.
E pazziate, pe ciente anne! Già, pe chesto intanto, 'a cuncurrenza nce 'a fanno pure ll'uommente ch'hanno cumannata 'a pezza. Accussì, chillo grande artista ca recitava a San Ferdinando, ched'è, nun murette cercanno 'a carità?
(Con sincera commiserazione) Puveriello!
