Chesta paggena è stata leggiuta.
Pecchè?
M'ha dda dà vinte lire; e nfino a ogge ancora m'ha dda mannà nu srodo...
E parle 'e te mettere 'n grazia 'e Dio?
Allora, comme dice tu, me vuò fa' perdere pure 'o capitale?
Siente a me: aizele 'a mano...
(A poco a poco accalorandosi) Aizele 'a mano?! E già! Tu te ll''e faticato cu ll'anema 'e mammeta! Ch'aggio ditto ca voglio 'o 'nteresse? Io voglio 'o sanghe mio, 'o sanghe mio sulamente... E sì! MO lle manno pure nu cumprimento appriesso! Si avesse tenuto a n'at'ommo vicino, a ll'ora 'e mo... chi sa... Ma aggia sta' bona!... Puverella a essa.
Figlia mia, 'o Pat'Eterno te sta aspettanno cu 'e braccia aperte e tu...
