Chesta paggena è stata leggiuta du' vote e mo è fernuta.
86
PULECENELLA
LEI
(a lui, quasi con paura)
Fannell’î’!… Fannell’î’!…
LUI
(alla Zingarella)
Agge pacienzia… Teh!… (le dona il pane e i mandarini)
LA ZINGARELLA
(insistendo)
Pecchè ne la cacce la Zingarella toia? Si’ bella e scuntenta, signurì… ma tiene ’na ’mmiria ncuollo!! (a lui) E tu… tu pecchè li fai chiagnere chill’uocchie?
LUI
…Vattenne!
LA ZINGARELLA
Li fai chiagnere sempe chill’uocchie belle ca te guardano sperute… Siente a la zingarella toia ca nun te ’nganna: ’sta signurina te vole bene…
LUI
Vattenne… vattenne… vattenne!…
(E si leva, e anche lei si leva, — e tutti e due, pallidi malinconici, silenziosi, scompaiono pel fondo, sotto le ultime foglie d'autunno.)
