Paggena:Teatro - Libero Bovio.djvu/74

'A Wikisource.
Chesta paggena è stata leggiuta du' vote e mo è fernuta.
66
SO' DIECI ANNE!

MARIETTA

(agitatissima)

No… no… Ti si è ingrossata la vena della fronte… stai pallido come un cencio… ed intartagli a parlare… (con tono che non ammette replica:)… Che vuleva?…

ALFREDO

Ssts… (sorride a stento)… Accussì… ’e bello,… dice: Vuò venì a ll’America? I’ dimane parto… te ’mbarco io… — ”All’America?… E che faccio?„ — Ggiesù, chello c’ha fatto tanta gente… Cirche… vide… te muove… te ’mpizze… e chi dice ca nun può fà furtuna?… Certo, ccà che nce fai?…

MARIETTA

(affannosa, perplessa:)

E tu?

ALFREDO

(continua, senza badarle)

”E comme faccio?… — mammà… ’a casa… ’e ssore, ’e bello, accussì, comm’è llascio?„

MARIETTA

(con un fil di voce, — l'occhio dilatato:)

All’America?

ALFREDO

E pò l’avarria vuluto dicere: E Marietta… comme ’a lascio? — Dice: ma tu llà fai furtuna… sì giovane… ti