Chesta paggena è stata leggiuta du' vote e mo è fernuta.
279
SECONDO ATTO
SCENA V.
ANNA DE MURO E MICHELE GIGANTE
ANNA
(a Gigante:)
Manc’ogge Zufia è venuta?
Silenzio.
ANNA
Tene ’na bella vucella quanno canta…
GIGANTE
Sì, povera figlia… ma nun c’è nata pe’ ffà ’a mudella.
ANNA
… È cuorpo ’e verità, e nun nce campa buono miezo all’artiste…
GIGANTE
Sarrà pecchesto…
ANNA
E pò nun tene ’n’onza ’e salute… se vede quanno parla…
GIGANTE
Pallida pallida… doie labbra cchiù ghianche ’e stu fazzuletto…
(Un silenzio)
