Chesta paggena è stata leggiuta du' vote e mo è fernuta.
96
PULECENELLA
COLOMBINA
(scuotendosi)
Si sapisse! ’E bbì chelli vveste? ’E bbì ’sti scarpine? ’Sti carze ’e seta trafurata? — Nun so’ d’’e mmeie… Niente cchiù è d’’o mmio… Nun me l’ê fatto tu!…
PULCINELLA
(fissandola, atterrito, e portando le mani alle bozze frontali:)
Ahiai! E chi te l’ha fatto?…
COLOMBINA
I’ so’ sciantosa… I’ canto…
PULCINELLA
Ah, ne? — Cante ’e ccanzone noste? ”Me sto criscenno nu bellu cardillo„? ”Fenesta vascia?„ ”Palummella?„ ”'O mare è bbà?„.
COLOMBINA
No, fratu mio, ccà tutto s’è cagnato… Nun è cchiù Napule ’e ’na vota!
PULCINELLA
Uh?! E comm'è stato?
COLOMBINA
Che bbuò ca te dico?… Ccà bascio è nu sparpetuo!… Nun se ride, nun se canta, nun s’abballa comme a ’e tiempe ’e ’na vota!… — Nun si’ patrone ’e dà nu passo
