Paggena:Teatro - Aniello Costagliola.djvu/24

'A Wikisource.
Chesta paggena è stata leggiuta du' vote e mo è fernuta.
— 14 —
Abbamonte (con gravità:) — Nu mumento. Noi siamo il portinaio della vittima. È il dovere che ci chiama.
Matutino (agli altri:) — E voi?
'On Pascalino. — Appuntà, nui simmo amice 'e casa...
Matutino. — Che amici e amici! Che c'è ricevimento, qua? (Accenna a spingere Martulella).
Martulella (un po' risentita:) — Guè! Guè! (Piano, brontolando:) 'I' comm'è amaro, 'o sargente!
Matutino (duro e insospettito, alla donna:) — Che mastichi giaculatorie, tu?
Maniglia. — Niente, mariscià. Cumpatitela... So' femmene.
Martulella (continua a brontolare:) — Seh! E guardeme n'ato poco! Che mme vulisse purtà a Santa Maria Agnone?
'On Giuvanne. — Oi' ne'! Ma che vulisse fa' nu rebellione!
Buonvicino. — Embè, che serve? Chillo, 'o marisciallo, è cosa nosta.
Matutino. — Fate silenzio voi! E badate ca se sento volà na mosca, ve metto a' porta, senza misericordia! (E va a piantarsi presso il vano, diritto e immobile).
Martulella (ad Abbamonte, con sincera pena:) — Neh, 'on Stanisilà, ma ne site sicuro ca è stato proprio Turillo?
Abbamonte. — Sicurissimo, figlia mia benedetta! Ll'aggio visto trasì io, cu ll'uocchie mieie, 'int''o palazzo.
Martulella. — Ma ve fusseve ngannato? Chillo, Turillo, è nu giovene accussì cuieto, accussì sistimato.
'On Pascalino. — Ecco: certe volte, l'apparenza inganna.
Abbamonte. — Niente affatto, 'on Pascalino mio! Ll'ha ditto 'o signurino, 'n punto 'e morte!
'On Giuvanne. — Sensa! 'O muorto ha parlato?!


(Mormorio di sorpresa e di terrore, nel gruppo)


Abbamonte. — Eccuccà: in brevi termini, 'o fatto cammina accussì.