Chesta paggena nun è stata leggiuta.
cuccato? (Immediatamente, aggrottando le sopracciglia:) Ca ce se fosse cuccato... 'o mariuolo?
Carmela (quasi senza voce:) — No...
Michele (come confermandosi nel sospetto, ripete subito, con energia:) — No? (e si allontana dal letto, passeggiando concitato e rassicurandola ironicamente:) E nun te mettere appaura... Nun te mettere appaura!.. È suonno! È suonno!
Carmela (è scossa da brividi. Con passo vacillante, viene innanzi e si ferma presso la porticina).
Michele (fremebondo, si ferma anch'egli, ad una certa distanza da lei, e sorride nervosamente:) — E bravo! Quanto è bero Dio, chisto è nu mariuolo nuovo!... Nun arrobba e fuie, comm'a ll'ate, ma vene cca e, comme si 'a casa mia fosse na lucanna, commetamente, se va pure a cuccà! (Animandosi stranamente:) E che bona mugliera che tengo!... Vede durmì 'o marito ncopp''o palimento, e nun 'o sceta... e nun lle dice: «Susete: viene te cocca». (Con una risatina stridula, nervosa:) 'I' che bella mugliera che tengo! 'A voglio mettere 'int'a nu scaravàttolo e lle voglio appiccià 'e cannele nnanze! (Leva il capo e le braccia al cielo, imprecando:) Ah, Pateterno! (Poi, con un violento gesto di ribellione e di nausea contro se stesso:) — Ma ch'ommo songo io?! (In un rantolo sordo, quasi in faccia alla donna:) Che schifo! Che schifo!
Carmela (mal reprimendo la collera e il dispetto:) — Ai' ragione. (Con alquanta vivacità:) E si' stato tu!
Michele (di scatto:) — Io?! (Contenendosi:) Che cosa... io?
Carmela. — Tu! So tre mise! Tre mise ca sto' dint''o priatorio! Tre mise ca m'hanno levato diece anne 'e salute 'a cuollo! (Con pena, implorando:) Guardeme 'n faccia...
Michele (le volge le spalle).
Carmela. — Guardeme... Ah! Tu nun mme saie manco guardà! (Sconfortata:) Ai' ragione, sì! Muglièreta nun te serve cchiù... (Dopo una breve pausa, con improvvisa veemenza:) Tu tiene chi penza pe tte!
