Chesta paggena nun è stata leggiuta.
dalla violenta emozione, vien fuori come un rantolo:) Cenzeniè!... Sciurì!...
Ninuccio (con poca voce, sgomento:) — Che vulite fa'?!...
Carmela (desolata:) — Dormono!... Michè!... (Si accosta al dormiente e si piega su lui). Michè! (Leva il capo, sperduta). Dormono tuttequante! (Come una bambina, spaurita, tremante:) Ninù!... Pecchè facite chesto?... Pecchè? (Gli mostra la porta, e si rannicchia ad un angolo della tavola. È tutta scossa da brividi).
(Un silenzio).
Ninuccio (sconcertato, si allontana dal letto e va verso la finestra, mormorando, in modo da farsi udire:) — E vabbè! Accussì se pìglieno 'e guaie pe scagno! (Per guadagnar tempo, chiude le imposte della finestra). — L'ummerità ve po fa' male. (Viene al centro della camera, osservando ipocritamente:) 'O Pateterno arape 'o paraviso a chi è cecato! (Una lunga pausa). Va. Cunzervàteve. (Accennando a Michele:) E ve raccumando: nun lle vulite male. Michele in fondo in fondo, è un buon ommo, e nun s''o mmèreta.
Carmela (soffocando il suo spasimo:) — Na vota!... Na vota!...
Ninuccio (finge di non comprendere:) — Come dite?... Capisco: aggio mancato. Ma... che ce pozzo fa'? È naturale d''o mio fatto accussì. Quanno io stimo overamente a uno, chello ca tengo cca, tengo cca. (toccandosi prima il petto, poi le labbra). (Una pausa). Io v'aggio vista: v'aggio guardata cca, (la mano sul cuore) comm'a nu miédeco: e nce aggio asciato na ferita ca mena sanghe a bita tagliata. Aggio penzato: stagnàmmela. Ma... vuie avite ditto ca no (con ostentato rammarico) e chi sa ch'avarrate capito... e pe chi m'avarrate pigliato...
