Chesta paggena nun è stata leggiuta.
Catena (stanca, ansimante:) — Catena sulo pe me! Tu si' ommo, tu!
Michele (con vivo cuore:) — E che significa? Addò 'a trovo n'ata femmena comm'a muglierema?
Carmela. — Io nun mme ne fido cchiù!... Io nun pozzo campà accussì!
Michele (implacabile:) — Cu na funa 'n canna, sempe accussì!
Carmela. — Tu mme vuò vedè morta!... E venesse! venesse 'a morte!
Michele. — Ammenne! Fosse angelo 'a vocca toia!
Carmela (supplice, all'immagine del Ferreri:) — San Biciè! San Biciè! Ogge è 'a festa toia... Famme sta grazia! T''o ccerco pe grazia! Famme murì!... San Biciè! 'O siente a marìtemo? Marìtemo mme tratta pe na femmena malamente! E mm''o dice 'n faccia, mm''o dice! San Biciè! Io so' figliola! Tengo vintisette anne!... Damme 'e lume! Damme 'e lume! (È caduta in ginocchi. Piange dirottamente).
Michele (immobile, severo:) — San Bicienzo te sente, e se fa na risa, comm'a me! (Scoppia in una lunga risata, nervosa, risonante:) Ah ah ah ah! (Si accosta a lei. Scotendola:) Iammo! Iàmmece a divertì!... A rìdere! A cantà! A bèvere!... 'O vino fa scurdà tanta cose! tanta cose!... Muóvete; È tarde... Ninuccio aspetta (Chiude nervosamente le imposte della finestra)
Michele (animandosi stranamente:) — Ninuccio Cantalù! Cca sta muglièrema! Michele nun 'a tene gelosa! No! Carmela è na munacella: e po sta', sicura, mmiez'a nu riggimento 'e surdate!... (A lei:) Iammo!... A cantà! A bèvere! Vino comme chiuvesse!
Carmela (tutta fremente, va a guardarsi nello specchio; ravvia nervosamente la sua capigliatura disordinata;
COSTAGLIOLA - Teatro
11
