Chesta paggena nun è stata leggiuta.
Cenzeniello (interrompendo la sua occupazione, nervosissimo:) — È ghiuto a fa' 'o guarriero ncopp'a ll'asteco, è ghiuto! (Va alla finestra, sporge la testa oltre il davanzale, la volge all'insù, e chiama, la mano sulla guancia come per accompagnare la voce:) Sciórì!... Sciórì!... E scinne!
Sciurillo (dall'alto del terrazzo risponde col suono lungo e rauco della sua trombetta di stagno).
Cenzeniello (aspro e incollerito:) — Fa ampresso! nun fa' 'o sbruffone! (Ritorna alla sua occupazione).
Fantasia (d'un tratto, si scuote, e, prorompendo in una risatina asmatica, continua con tormentosa giocondità:) — Cu chi t''a piglie? 'A vuò 'accidere? E vaie 'n galera. 'A vuò lassà? E faie comme a chillo d''o cunto: te prive d''a primma sussistenza, e pierde 'a rosa pecchè 'a spina t'ha pugnato. Senza cuntà ca te miette sempe ncopp'a nu puorco. Lle vuò di': « statte a forza cu mmico »? Ma 'o core nun canosce caserme, 'o munno è troppo largo e 'a casa è sempe na caiola aperta. (Di nuovo, la risatina. Poi:) Ih! Pigliàmmece 'a vita comme ce vene! E 'a femmena è comme 'a vita: nu lòteno ogni mumento, ma chi è chillo ca vo' murì?
Michele (cupo, come parlando a se stesso:) — So' belli storie, cheste! Tu si' muorto 'o stesso.
Fantasia. — Mme lusingo sempe 'e risuscità. Torna? Onore e piacere! Nun torna? E sia fatta 'a vuluntà 'e Dio! (Scrolla le spalle e il capo; e si concentra qualche istante).
Sciurillo (irrompe fragorosamente. È ornato alla stessa maniera di Cenzeniello. L'elmo di sghembo, la spada in atto di combattimento, grida, rivolgendosi al fratello, in atteggiamento di sfida:) — Ehi! A noi! Miserabile!
Cenzeniello. — Votta 'e mmane! Mulignanella!
Sciurillo (con un gesto trionfale, andando allo specchio e rimirandosi:) — 'A penna! Cca sta pure Fioravante.
Michele (intanto, si è alzato e si è accostato a Fantasia. Ora, battendo una mano sulle spalle del frate, dice con
