Cristinella. ’Nu cristiano se mette co ’n ’animale?;’, na femmena nera?
Nicola. ’E femmene, o nere o janche o paunazze...
Carmela. Jatevenne! Jateve a scena c’ ’a rena ’e vitrera, cornine ’a ramina arruzzuta! Jateve a mettere dinto a ’o cufe’ naturo d’ ’a culata e faciteve vuttà ’n cuollo a liscia vollutaU.
E manco nce arrivate!...
Nicola {co ’na santa pacienza). E nce jammo a metter dinto a ’o cufenaturo...
Carmela. Voglio ringrazia a Ddio co ’e ddenocchie scuperte d’esserme sposato a Papele e no ’a isso!..
Cristinella. E sto Ciro, sto sciore ’e primmavera, paterno ’o Yo’ cunzignà justo a mme?... Ohello che non boglio all’uorto me nasce;
Nicola. Pateto te manno dicenno che isso mo è nostromo ’n coppa ’a Marta Pia, e tu non può sta ccà, a jettarte ’e spese a ddò Papele, pe tutta ’a vita toja...
Carmela. Non te ne ncaricà chillo Papele non dice niente...
Nicola. Papele non conta...
Carmela. Nonzignore, conta! pecchè io non so’ femmena che faccio tratta pe scemo a maritemo, si pure è scemo...
Nicola. Ma a buon cunto che volite fa’? Ciro n’ato poco e have ’o congedo... e pateto a Ciro te vo dà pe fforza...
Cristinella. Pe fforza?!.. Jate jà! ’O rre manco ’e surdate vo pe fforza!...
Nicola. Ma starnine a sentere! Tenimmo conziglio!
Carmela. Couziglio ’c volpe, rammaggio ’e galline!
Cristinella. Parlate camme si Tore non fosse figlio a vuje...
Nicola. Io faggio da fà sposà a figliemo Tore? E cca ’a cummara nce dà ’na mano... Nuje avimme da sparà appusato... avimmo da trasì p’ ’a fenesta...
Cristinella. O p’ ’a fenesta o p’ ’a porta, io a Tore me piglio!...
Carmela. O Tore o Ciro, l’uommene, so tutte ’e nu colore: non ce sta a chi da’ ’a mano deritta! Fanno tutt’evera fascio!
Nicola. Vi’ comme state nguttata!
Carmela. Nchiavecarse co ’na femmena nera!
Nicola (a Cristinella). Siente a mme: Chillo Ciro mo vene cca...
Carmela. Che ccosa?...
Nicola. E quanno è venuto, ’o puorco è ’o nuosto!
Carmela. Chi? Gomme? Addò vene?
Nicola. Se dice che ’o chiuovo nuovo caccia ’o viecchio: e’ sta vota, ’o chili vo viecchio non fà trasì ’o nuovo!
Carmela. Vuje che chiuvo ve site misso ’n capa? Ohi vene?
Cristinella (avvampannose d’ ’a collera). E comme vene accossì se ne va!... E primma che vene isso me ne vaco io! (Una votata s’abbia dinto ’e cammere ’e lielto).
