Paggena:Spassatiempo 1875 n.003.djvu/3

– 3 –

---

---

M’A TRADUTA! Si maje ncontrate pe la via na nenna, Che nfaccia na resella ve sta a fare, E d’allegria e gioje ntutta sbrenna, Lo nomme vuje l’avite addimmannà: Si Rosa ve risponne che se chiamma Fuite, chè ve pote affatturà!… Io l’aggio amata comme a no mpazzuto, Ed essa me dicea volerme bene. Da tanno l’arrecietto aggio perduto, La vita mia s’è ffatta no penà… Na sciamma tengo mpietto che me struje La veco, e non mo fido de sciatà. Scappare me ne voglio assaje lontano, Pe non vedere cchiù la tradetora; Me promettette dareme la mano, E co cient’autre mo se sta a spassà: Ah! mare chi la crede! comme a me Le pene de lo nfierno ha da patè!… Gublielmo Mery. ANNEVINE ⁠1 Qua è lo meglio remmedio pe chi tene la vista corta? ⁠2 Qua è la preta de paravone de l’ommo? ⁠3 Chi è l’ommo che quanno parla dice la veretà? ⁠4 Qua è chella cosa che quanno s’è perduta non se po cchiù trovare? ⁠5 Qua è chillo anemale ch’è buono vivo e non muorto? ⁠6 Qua è chillo anemale ch’è buono muorto e non bivo? ⁠7 Qua è chillo anemale ch’è buono muorto e bivo? ⁠8 Qua è chillo anemale che non è buono nẻ muorto nè bivo? ⁠9 Chi vene chiagnuto cchiù de l’autre doppo muorto? ⁠10 Qua è chella cosa che quanno è trasuta no se nn’esce cchiù? ⁠11 Chi è lo cchiù pazzo? ORIGENE da na porzione de lo Prencepato citeriore e da chelle provincie che lo juorno d’oje se chiammano Calabrie. ⁠D. Pe quante anne fuje mantenuto e respettato sto govierno romano? ⁠R. Cchiú de 250 anne, nfì che lo mperatore Costantino non so resorvette de portare la capitale a la Tracia, ogge Romania, provincia de lo mperio, chiazzata a la fernetura de l’Oriente de l’Auropa. Po acconciaje l’antica Bisonaia zzoo fravecaje appriesso a le ruine de chella nova Cetà e pe volere rommanere n’allicuordo a lo nomme sujo la facette chiammà Costantinopoli. Essenno che chesta steva fravecata a lo Bosforo, che doppo fuje

12 Chi è lo peggio artista? 13 Quanto è lontano la veretà da la boscia? 14 Chi è che appena esce da lo lietto suie fa no sacco de male? 15 Qua è la cosa cchiù antepateca ncoppo a sta terra? N. B. Lo schiaremiento lo dammo a lo nummero che bene. Lo premmio de lo Spassatiempo de la passata se l’ave pigliato la signora Giuseppina Biasiello, pecchè ave ditto che non se fa niente pe niente!. PIERDETIEMPO La cimma dell’ommo è cierto lo primmo, Appriesso nce truove purzì lo secunno, Lo tutto se magne e se vede a lo munno; La vocca e la panza te fa addecreà!… ⁠Lo primmo che l’annevina s’abbusca no bello libro de Poesie popolari napolitane scritto da 31 auture! CORRISPONNENZIA NOSTA GABENETTO DE LETTURA ⁠de guglionisi Guglionisi 14 Marzo 1875 Caro D. Luigi nuosto, ⁠Ccà avimmo leggiuto co tanto piacere lo giornaliello vuosto, e nne simmo rummase assaie contente: mpreferenzia nce ha nzuccarato la canzoncella de ll’ova cotte. Addonea, e pecchè lo Spassatiempo nce piace assaie, nuie volimmo appardarece; e perzò ve mannammo li sissanta sorde co no vaglio postale. Tutte l’ammice ve salutano, e compiatitece so non avimmo scritto buono lo napoletano, ma non ve facite prodere lo… cereviello de metterce ncarrecatura: ca se no ve facimmo na lettera a lengua nosta paiesana, che ve faciarrá alleccà le dete. Lo secretario de lo Gabenetto F. Ruocco ⁠A lo sio F. Ruocco, Guglionisi. Avimmo avuto lo vaglio e ve ne rengraziammo co no vaso a pezzechillo a buje e a ll’ammice. chiammato canale de Costantinobole, le parette buono de fare nobelizzare le provincie d'oriente e de l'occidente; lo dette tutte li privilegie de l'antica capitale de lo munno, destinannole d'essere n'autra Roma e addeventare la capo de la religione de Cristo. Stabelutese a Bizanzo non sulo nce jette tutta la corte e paricchie patrizije e li nzegne e lo sfarzo de la sopranità, ma statue e tutte le bellezzetudene che Roma aveva raccovete nfì a lo 337. (Secotea)