Chesta paggena è stata leggiuta du' vote e mo è fernuta.
Bella, ca de li belle si’ riggina,
uh quanta pene ca t’aggio ’a lassare!
T’aggio ’a lassare dimane mmatina,
ca ’o vasciello me porta ’a fora ’o mare!
Dint’ ’a stu core nce tengo na spina,
ca me fa ’o sango perdere a sciummare;
bella, tu m’ ’a puo’ dà, na medicina,
famme sta grazzia, si me la può fare!
L’ammore, ch’accummencia pe pazzia,
fernesce sempe cu suspire e guaie!
N’angela ’e cielo chiammata Maria,
truvaie stu core spierto e s’ ’arrubbaie!
— 73 —
