se fanno ’è ffeste a mmare!
’A tutt’’e bastimente,
se appiccia[1] ’o riflettore.
Mo parte nu vapore,
mo n’ato sta ’arriva’!
Gente ca veneno,
gente ca va:
ma chistu traffico,
neh, che te da?
’N terra ’a banchina ’o popolo
se pasce int’’a speranza,
ca ’o ppoco ’e ll’abbundanza
putesse resta’ cca!
Ma ccà sulo ’o cielo ce sta!
Ma ccà sulo ’o sole ce sta!
È chesta ’a vera America,
ca tene sta città!
- (Si ripete l'introduzione).
Gesummina (dall’alto del piroscafo, fra gli emigranti disperati e sconvolti, grida) — Mincu’! Mincu’!
Vittorio (anch’egli fra la folla dei passeggieri, che salutano con i fazzoletti la gente sulla banchina) — Ermeli’!
Ermelinda — Vitto’! Vitto’!
’O cantante (canta)
Mo ca se leva ll’ancora
a chistu casamiento![2]
a chistu casamiento,
a chistu casamiento,
so’ addie, salute e lagreme:
chi è triste e chi è cuntento,
chi è triste e chi è cuntento
chi è triste e chi è cuntento!
So’ tutte furastiere[3]
ca vanno assaie luntano:
ma chi è napulitano
nun lassa sta citta!
Sirene sescano![4]:
«Jammo a ’mbarca’!».
