ATTO UNICO
La scena è divisa in due quadri. A destra degli spettatori si vedrà una strada qualunque con un fanale acceso all’ultima quinta. Alla seconda quinta poi l’entrata di una bettola con fuori un lume e l’insegna; due tavolini sono fuori. Alla sinistra si vedrà una stanza poveramente addobbata di un comodino, un tavolino tre sedie ed un letticciuolo in fondo. Una porticina che si entra per la strada; ed una bussoletta a sinistra degli spettatori alla 2.a quinta.
SCENA I.
Giovanni in manica di camice che dorme sul letticciuolo in fondo alla stanza. Attorno al tavolo nell’ istessa stanza lavorano D. Lucia—Nannina sua figlia ed un ragazzo che dorme appoggiato al tavolino. Un lume ad olio vi è su di esso. Un venditore di ulive. Avventore e Concetta.
Avv. Cùncé, ma tu mo vulisse ’ntussecà apprimma stu miezo litro ’e vino ?
Conc. Ma siente a mme, iammoncenne ’a casa.
Avv. Chesto che d’è, quanto me vevo sulo miezo litro e niente cchiù.
Conc. Ma sulo miezo litro ?
Avv. Pe quanto te voglio bene.
Conc. E allora te voglio fà contento, (viano in cantina)
Lup. (con tinelli ed accessori) Lopini e aulive, neh, ma chiste sò salate (entra nella cantina)
Luc. (con amorevolezza) Nanni, figlia mia, è da ’staminatina che staie fatecanno vicino a stu tavolino, e non te si susuta che pe te mangià nu poco ’e furmaggio; mo pare che sarria ora e te j’ a cucca.
Nan. Mammà, chello c’aggia dicere io a vuie m’ ’o dicite vuie a mme, me pare ch’io so giovane e pozzo faticà, ma vuie (con tenerezza) vuie non facite ato d’ ’a matina a’ sera che faticà sempe; c’ ’a malatia ’o core che tenite, avarrisseve abbesuogno ’e ve j* arrepusà, pecché io me sento ancora forte ’e faticà... abbasta che stessemo quiete (con mestizia)
Luc. Sì, haie ragione, abbasta che stessemo cuiete; e che pace figlia mia vuò truvà dint’ ’a casa nosta si chesto è chello che nce manca !.. Tu dice buono, figlia mia, pecchè ’a peccerella tu nun aie assag-
