Chesta paggena è stata leggiuta.
60
sunettiata
NUN SAPITE?
— Cummarè, nun sapite? Ntuniella,
'a sarta appriesso... 'A sora d' 'a cecata...
— Uh lassateme sta, siè Pascarella
mia! Nun ne parlammo! È na jettata!
— Ma comme! Me parea na santarella
chella muchiella sorda! ¹) 'Aggio ncuntrata
doj' ore fa, dint' a na carruzzella...
Cummà!... Ma comme steva ngrattinata!
Purtava nu cappiello cu na penna,
na vesta 'e seta bella quanto maie!...
E chelli mmane! Cummigliate 'anella!...
— Io nce 'o ddiceva sempe a chella nenna!
«Nennè, va trova tu addò fernarraie!
Te staie facenno assaie faccetustella!»
