Chesta paggena è stata leggiuta.
153
poemetti del cuore
St’ ammore mio sta dint’ ’o core, nchiuso,
cu tutt’ ’a freva 'e n’anema malata,
comm' a nu piccerillo freddigliuso
dint’ a na cunnulella scunzulata.
Vene ’o penziero niro, int' ’a nuttata.
e m’ ’o rummane tristo e smaniuso;
e i’ trovo sempe, quann’ è ’a matenata,
de chianto amaro ’o cusceniello nfuso.
Pecchè, Suonno ca viene e te ne vai
pe riturnà cchiù cupo e appucundruto,
na lenza ’e sole nun m’ ’a puorte mai?
Pecchè nun me sparagne stu saluto?
Che male t’aggio fatto, ca me fai
murì migliare ’e vote ogne minuto?
